Lýsing

Solar System Scope er eins og kjörið í kennslu. Þegar forritið er opnað í vefskoðara birtist sólkerfið í öllu sínu veldi og hægt er að ferðast fram og til baka um sólina og reikistjörnurnar átta með músina eina að vopni. Forritið er einnig einfalt í notkun og það er bæði fróðlegt og gaman að sýsla með sólkerfið á myndrænan og auðskiljanlegan hátt.

Hægt er að skoða einstaka reikistjörnu í návígi og mæla fjarlægðir á milli stjarna með þar til gerðuverkfæri. Hægt er að skoða sólkerfið með sólina sem miðpunkt (heliocentric) eða jörðina (geocentric). Þar að auki er hægt að kalla fram stjörnumerkin.

Solar System Scope býr einnig yfir flóknari eiginleikum og t.d. er hægt að skoða afstöðu himintunglanna á ákveðnum tíma. Þar að auki er hægt að setja allt kerfið af stað og horfa á kerfið á hreyfingu.

Uppsetning

Solar System Scope keyrir á Flash í gegnum hefðbundinn vefskoðara og krefst engrar sérstakrar uppsetningar nema hvað flash verður auðvitað að vera uppsett á viðkomandi vefskoðara.

Notagildi

Netlæg myndvinnsluforrit eins og Phoenix henta vel til einfaldrar myndvinnslu, s.s. minniháttar lagfæringa á myndum eða öðru slíku. Slíkur hugbúnaður þarfnast yfirleitt einskis annars en vefskoðara og nettengingar (helst öflugrar) og flest þeirra má nota endurgjaldslaust sem er auðvitað stór kostur. Phoenix er ríkulega búið fjölbreyttum verkfærum til myndvinnslu og nægilega öflugt til að vinna myndir bæði fyrir vefinn og prentað efni.

Eiginleikar

Phoenix stenst skiljanlega ekki samanburð við dýrkeypt myndvinnsluforrit á við Photoshop, en er engu að síður vel búið öflugum verkfærum til teikninga, myndvinnslu og textagerðar. Phoenix býður upp á lagskipta (e. layers) myndvinnslu, síur og valverkfæri svo fátt eitt sé nefnt.
Mjög einfalt er að tengja Phoenix við algenga vefi eins og Flickr, Facebook eða Picasa og flytja inn myndir frá þeim. Slík vinnsla kallar hins vegar á notandaskráningu, en hún er óþörf þegar ætlunin er einungis að vinna einstaka myndir t.a.m. úr tölvu notandans.
Einn af mest spennandi eiginleikum Phoenix felst í því að hægt er að tengja saman ólík forrit Aviary svítunnar í einni og sömu myndinni. Þannig er t.d. hægt að bæta við lagi (e. layer) í mynd sem unnin er í Phoenix en sem inniheldur vektormynd sem unnin er í Raven hugbúnaðinum.

Notkun og viðmót

Notendaviðmótið Phoenix er mjög aðgengilegt og þrátt fyrir að vera innblásið af Photoshop eins og svo margur sambærilegur hugbúnaður þá fara hönnuðir Phoenix einnig eigin leiðir og gefst það vel. Vandað og aðgengilegt notendaviðmót gerir því Phoenix að einstaklega góðum valkosti í skólastarfi.

Notagildi

Ólíkt mörgum öðrum netbundnum myndvinnsluforrit þá er FlauntR fyrst og fremst ætlað til þess að gera einfaldar breytingar á ljósmyndum eða teikningum, s.s. stækka, minnka, laga rauð augu eða breyta litum. FlauntR má þar að auki nota til þess að setja allskonar skraut eða texta á myndir. Hér er því ekki um að ræða teikniforrit heldur myndvinnsluhugbúnað með mjög fastmótaðri virkni.

Eiginleikar

Hvert einstakt forrit í FlauntR svítunni hefur sína eigin eiginleika enda ætlað til ákveðinna, afmarkaðra verka.

FlauntR svítan samanstendur af eftirfarandi forritum:

• stylR
  til að ramma inn myndir eða búa til tímaritaforsíður og annað álíka.
• editR
  til að breyta stærð og litum, laga rauð augu eða vinna með einfaldar síur.
• picasR
  til að breyta litum og áferð mynda með einum smelli
• textrR
  til að setja einfaldar skrautmyndir, form eða texta á myndir.
• profilR
  til að setja saman myndir sem fylgja skráningu á vinsæla vefi, s.s. Blogger, Facebook, Flickr, imeem eða Twitter.

Líkt og tíðkast við mörg önnur netbundin myndvinnsluforrit er einfalt að tengja FlauntR við algenga vefi, s.s. Flickr, Facebook eða Picasa og sækja myndir af þeim eða senda myndir til þeirra.

Viðmót

Notendaviðmót FlauntR venst ágætlega en mætti engu að síður vera aðgengilegra og þá sérstaklega þegar kemur að því að sækja eða vista myndir. Annars eru forritin öll með sambærilegt notendaviðmót og einfalda virkni. Oft þarf ekki nema einn smell til þess að að breyta myndum.

Notagildi

Líkt og segja má um flest önnur netlæg myndvinnsluforrit þá hentar Splashup ágætlega til algengrar, einfaldrar  myndvinnslu. Forritið kemur ekki í staðinn fyrir dýrkeyptari hugbúnað eins og Photoshop en inniheldur engu að síður helstu tól og tæki til að klippa til eða framkvæma einfaldar breytingar á myndum, s.s. setja texta á myndir, stækka eða minnka eða breyta litum. Helsti kosturinn við Splashup og auðvitað önnur netlæg myndvinnsluforrit er að það er ókeypis og innan handan öllum sem hafa nettengingu.

Eiginleikar

Splashup inniheldur velflest algengustu verkfærin til stafrænnar myndvinnslu en er fátækara af stillimöguleikum en mörg sambærileg forrit. Splashup

Splashup má tengja við algenga vefi, s.s. Facebook, Flickr, Picasa, SmugMug og Photobucket og sækja þaðan og senda myndir.

Lélegt Zoom.

Viðmót

Notendaviðmót Splashup er hefðbundið og minnir einna helst á Photoshop eða sambærilegan hugbúnað. Það er hins vegar frekar dökkt yfirlitum sem truflar nokkuð að mínu mati.

Það skortir tilfinnalega á að geta framkvæmt aðgerðir með lyklaborðinu.

Pixlr er netlæg lausn og keyrir á flash. Það ætti að virka vel í öllum nútíma vefskoðurum.

Hægt er að vista myndir á eigin tölvu, eða beint í vinsælar vefþjónustur eins og Facebook eða Flickr.

Visuwords er í raun myndrænt viðmót við WordNet gagnagrunninn sem er öllum opin (open source). WordNet er byggður af rannsakendum og nemendum við Princeton háskólann og er lýsandi dæmi um þá skemmtielgu hluti sem geta gerst þegar gögn eru aðgengileg fólki sem hefur áhuga og getu til að vinna með þau á skapandi hátt.

Þegar leitarorð er slegið inn í Visuwords spretta niðurstöðurnar fram eins og gorkúlur á ofurhraða og til verður margslungið orðakort eða tengslanet orða eða sem hægt er að rekja sig eftir. Hægt er að toga og teygja einstaka hluti orðakortsins og stækka og minnka að vild. Þegar músarbendillinn er staðsettur við einstakt orð birtist skilgreiningin á því í litlum ramma til hliðar við bendilinn.

Ég nota Visuwords iðlega á þann hátt með nemendum mínum í enskukennslu að við veljum áhugaverð orð og skoðum það ítarlega í sameiningu. Oftar en ekki í tengslum við lestur eða hlustun á texta dagsins af Breaking News English vefnum sem ég held mikið uppá. Einn af fjölmörgum kostum Visuwords er að tengingar á milli orða eru auðkenndar með mismunandi litum og lögun sem segir til um hvers eðlis sambandið er á milli orðanna. Þannig er t.a.m. augljóst hvort um er að ræða samheiti eða andheiti.

Visuwords er opinn hugbúnaður og kóðinn því aðgenglegur öllum sem áhuga hafa á því að nýta sér hann. Ef einhver hefur tíma og tækifæri væri spennandi að kanna möguleikan á því að tengja þetta viðmót við íslenskt orðasafn. Að vísu veit ég ekki til þess að neitt slíkt sé til opið og aðgengilegt á Netinu og væntanlega þyrfti gagnaskipanin að vera sambærileg við Wordnet. En það má alltaf láta sig dreyma.